Төлеби ауданы, Киелітас ауылдық округінде Елорда күніне орай «Қызыл жар» құс фабрикасы ашылды. 8 гектар аумақты алып жатқан фабрика жылына 10 миллион дана инкубаторлық жұмыртқа мен 40 тонна құс етін өндіру мүмкіндігі бар.
Жоба ҮИИД мемлекеттік бағдарламасы аясында іске асып отыр. Оның құны 300 миллион теңгені құрап отыр. Фабрикада 25 жаңа жұмыс орындары ашылған.
Кәсіпорында «Гюнеш», «Кафсан» түрік компанияларының құрал-жабдықтары орнатылып, толық автоматтандырылған.
Биылғы жылдың ақпан айында Ресей Федерациясынан 62 мың дана шамасында асыл тұқымды инкубаторлық жұмыртқалар әкелініп, инкубаторларға қойылған. Наурыз айында 20 мың дана балапан ашылып, қазіргі таңда олардың саны 19800-ге жетті.
[youtube]https://www.youtube.com/watch?v=rtHCkAm1eLM[/youtube]
Жалпы, Төлеби ауданында мемлекеттік ҮИИД бағдарламасы аясында 3985,6 миллион теңгені құрайтын 8 жоба жүзеге асырылуда. Оның қатарында бүгінгі таңда 6 жоба іске асып, 204 жұмыс орындары ашылған.
