Ата-ананың бала тәрбиесімен айналысуға уақыты болмаса, онымен кім айналысады? Отбасындағы осы мәселені талқылау аясында «Риксос» қонақ үйінде конференция өтті.
Бұл шараға ұйытқы болған Қазақстан Республикасы Президентінің жанындағы әйелдер істері және отбасылық-демография саясаты жөніндегі комиссия мүшелері еліміздің бірқатар қалаларында болған. Шымкентке ат басын бұрған делегация облыстың іскер әйелдері мен қоғамдық мекеме белсенділерінің «Рухани-адамгершілік тәрбиедегі инновациялық тәсілдері» тақырыбында баяндамаларымен танысып, жаңа жобаларын ұсынды.
