Шымкентте кезекті рет азық-түлік жәрмеңкесі өтті. Жергілікті халық ауыл шаруашылығы өнімдері мен азық-түлік тауарларын қолжетімді бағада сатып алды. Қалалықтар, әсіресе, арзан сатылған ет өнімдері мен көкөністің саудасын қыздырды.
Сатып алушылардың сөзіне сенсек, жәрмеңкедегі тауарлардың құны базар бағасымен салыстырғанда айтарлықтай арзан. Қажымұқан атындағы орталық стадионында жергілікті тауар өндірушілердің қатысуымен азық-түлік тауарларының жәрмеңкесі әр жексенбіде өтеді.
