Өңірімізде өз кәсібін дөңгелетіп отырғандар жетерлік. Сондай кәсіпкерлердің бірі көлік жүргізушілері үшін керемет тарту жасады. Шымкентте жаңа «Эйкос» дөңгелек орталығы ашылды. Мұнда белгілі әлемдік өндірушілердің көлікке арналған дөңгелектері мен түрлі бөлшектер ұсынылған. Барлық тауарға ақпан айының соңына дейін жеңілдіктер бар.
Шымкентте ашылған екінші «Эйкос» дүкені қала тұрғындары мен қонақтарын қуантты. Компания басшылығы ашылу салтанатын есте қаларлықтай ұйымдастырған.
«Эйкос» дүкенінде жеңіл, жүк, ауыл шаруашылығы және арнайы техникаға арналған дөңгелектердің кең таңдауы бар. Мұнда көлікке арналған құрал-жабдықтар мен бөлшектерді де сатып ала аласыз. «Эйкос» — көлік дөңгелектерін сату саласында тәжірибесі мол компания. Сондай-ақ, Қазақстан нарығында қарқынды дамып келе жатқан кәсіпорындардың бірі.
Руслан Елекбаев, «Эйкос» ЖШС директорының міндетін атқарушы: «Бұл салада брендтік дөңгелек компаниясы «Эйкос» — Қазақстан нарығында көшбасшы. Биыл компаниямызға 20 жыл толады. Қазақстанның 8 қаласында 8 филиалымыз жұмыс істейді. Шымкентте былтырдан бері қызмет етіп келеміз. Қазіргі таңда бізде көтерме және бөлшек сауда қоймасы және бір дөңгелек орталығы бар. Бұл б- іздің екінші дүкеніміз.»
Алғашқы сатып алушылардың бірі — Мықтыбек Ұсқынбеков. Түлікбас ауданының тұрғыны жаңа дөңгелек орталығы ашылғанын ести салып, көлігінің дөңгелегін жаңалады. Шаруаның айтуынша, дүкенде баға қолжетімді және әлемдік өнідушілердің тауарларын оңай табуға болады.
Мықтыбек Ұсқынбеков, Түлкібас ауданының тұрғыны: «Машат ауылы округінен келдік. Екі дөңгелек алайын деп едім. Сапасы, бағасы жақсы. Дүкендері үлкейе берсін.»
Қолжетімді бағада сапалы дөңгелек сатып алу — әр көлік жүргізушісінің арманы. Осы тұрғыда «Эйкос» дүкенінің мамандары жеңіл және жүк көлігіне қажетті дөңгелектерді таңдап алуға көмектеседі. Жаңа «Эйкос» дүкені Жібек жолы көшесінің бойында орналасқан.
Шынар Оразова
