Оңтүстікте 15 күнге созылған рейд барысында қоғамдық көлік жүргізушілер тарапынан болған 137 жол ережесін бұзу жайты анықталды. Бұл туралы ішкі істер департаментінің баспасөз қызметі хабарлайды.
15-30 маусым аралығында өткен рейдке жергілікті полиция қызметкерлерімен бірге облыстық жолаушылар көлігі және автомобиль жолдары басқармасы, Шымкент қалалық тұрғын, үй коммуналды шаруашылық бөлімінің мамандары да қатысты.
Жолаушы тасымалдайтын және қоғамдық көлік жүргізушілері негізінен маневр жасау, аялдамада, жолаушы тасымалдауда ереже бұзу мен жүк салғыштың қажетті куәлігінің болмауы сынды тәртіптерді бұзған.
ОҚО ІІД ЖПҚ жолда жүруді қағадағалауды ұйымдастыру бөлімі мамандарының айтуынша, жолаушылар және қоғамдық көліктермен орын алатын жол-көлік оқиғаларының санын азайту мақсатында осындай рейдтер облыстың барлық аудандарында өткізіледі.
