Шымкентте Қазақстандағы ең ірі арт жобасы жүзеге асырылды. Қазақстан бойынша ең ірі саналатын өнер жобасы қала әкімінің бастамасымен шымкенттік суретшілер мен «Repas» өнер тобының қолынан шықты.
Бірегей жоба аясында Арғынбеков көшесіндегі бес үйдің қабырғасына көркем картина салынды. Шаһар аумағын көркем көрініспен безендірген суреттің тақырыбы – «Жібек жолының керуендері».
Айта кету керек, безендіру жұмысы барысында 1000 құты бояу мен 250 келі түрлі эмульсиялық бояу пайдаланылған.
