Шымкенттегі фронт-офис мекемесі енді «Халық кеңсесі» деп аталады. Қала әкімі Ғабидолла Әбдірахымов осылай деп мәлімдеді.
Еске салар болсақ, фронт-офис мекемесі өткен жылдың соңында Байтұрсынов және Рысқұлов көшелерінің қиылысындағы ғимаратта ашылған болатын. Таяуда қала әкімінің биылғы халық алдында берген есептік жиынында қала тұрғындарынан фронт-офис деген атауды өзгерту туралы ұсыныс түскен.
Шаһар басшысы осылайша көпшіліктің өтінішін қабыл алып отыр. Айта кету керек, бұл кеңседе ашылғалы бері өтке 3 айда халыққа 32 мыңнан астам қызмет көрсетіліп үлгерді.
