Бұған дейін Шымкенттегі зообаққа кіру ақысы 23 теңге 69 тиын болатын. Қымбатшылықтың құрығы жетпеген жалғыз мекеме болатын. Бір қарағанда бір бөлке нанның бағасына да жетпейтін аз ғана ақыға келшілер қуанбаса ренжіген жоқ.
Енді бұл баға келмеске кетті. Жуық арада баға аспандап шыға келмек. Яғни, 2018 жылдың 19 сәуірінен бастап Шымкент зообағына кіру құны 500 жүз теңге болады. Дегенмен бұл баға еліміз бойынша ең төмені болып саналады екен.
Зообақ қызметкерлерінің мәлімдеуінше, жануарлардың азығы, олардың дәрі-дәрмегі, зообақты абаттандыру, мұның бәрі көп қаржыны және күшті қажет етеді.
Дегенмен жеңілдіктер де қарастырылған. Мектеп жасына дейінгі балаларға, ардагерлерге және I, II топтағы мүгедектерге (6 жасқа дейін) – тегін.
Мектеп жасындағы балаларға (6 жастан 17 жасқа дейін) 50 пайыз жеңілдік бар. Соңғы әлетте қайта жаңғыртудан өткізілген зообаққа көктем шығысымен келушілер көбейетіні сөзсіз. Жаңа баға олардың қолайына жаға ма, жақпай ма белгісіз.
