© Sputnik / Евгений Биятов

Қазақ тілінің латын әліпбиіне көшірілуіне байланысты мемлекеттік рәміздер туралы заңға түзетулер енгізілмек, -деп хабарлайды sputniknews.kz. Конституциялық заңнама, сот жүйесі және құқық қорғау органдары бойынша сенат комитетінің кеңейтілген отырысында конституциялық заңдар мен таңдаулы заңнамаға енгізілетін түзетулер қарастырылды.

Дәлірек айтсақ, «Қазақстан Республикасының кейбір конституциялық заңдарына өзгертулер мен толықтырулар енгізу туралы» заң жобасы қаралды.

Заң жобасы «Қазақстан Республикасының мемлекеттік рәміздері туралы» Конституциялық заңына түзету енгізбек: мемлекеттік Елтаңбадағы «Қазақстан» сөзі латын әріптерімен жазылатын болады.

Қазақстан Президенті Нұрсұлтан Назарбаев 2025 жылға дейін қазақ тілін латын әліпбиіне көшіруге тапсырма берген болатын.