«Денсаулық паспортын» қалай қолданады?

Қазіргі уақытта egov.kz порталының қолданушылары үшін «Денсаулық паспорты» бөлімі іске қосылған. Бұл жөнінде «Азаматтарға арналған үкімет» мемлекеттік корпорациясы коммерциалық емес акционерлік қоғамының Шымкенттегі өкілдерінен сұрап білдік. Сонымен…

Бұл – сіздің денсаулығыңызға қатысты барлық мәліметтер жиналған база іспетті. Өзіңізге қатысты ақпаратты көру үшін порталдағы жеке кабинетіңізге кіріп, медициналық жазбалар бөліміне өтіңіз.

Денсаулық паспортында қандай мәліметтер көрінеді?

 Тіркелген емханаңыз;
Тегін алуға болатын қызметтер мен дәрілер тізімі;
 Учаскелік дәрігеріңіз туралы мәлімет;
 Сізге қойылған диагноздар мен еміңіз бойынша берілген нұсқаулықтар.

Ескеріңіз! Сіздің паспортыңыздағы мәліметтерді емхана, аурухана дәрігерлері мен жедел жәрдем мамандары көре алады. Олар электронды паспортыңыздан аллергияңыздың бар/жоғын, талдау нәтижелерін, дәрігер қабылдауына барғаныңызды, жазылып берілген дәрілер тізімін көріп біледі.

Денсаулық паспортындағы мәліметтерге сіз өзгерту енгізе алмайсыз.
Egov.kz порталын қолдану үшін электронды цифрлық қолтаңбаның болуы міндетті.

Мөлдір Бекеева