«Raimbek & Company» ЖШС-нің директоры Бауыржан Анарбеков дәстүрлі ауызашардың орнына коронавирустың кесірінен қиын жағдайға тап болған 500 отбасыға азық-түлік жиынтығын үлестірді.
«Биыл ораза айы қиын уақытқа түсті. Мен Елбасының үндеуіне, қала әкімінің үндеуіне қолдау көрсетіп, бүгінде мұқтаж жандарға көмектесуді жөн көрдім. Дәстүр бойынша, ораза кезінде көпшілік ауызашар жасайды. Неге биыл ауызашарды осындай көмекпен алмастырмасқа деген ой келді. Әлемнің барлық діндері үнемі көмекке мұқтаж жандарға қолдау көрсетуге шақырады. Мен осы бастаманы қолдауға шақырамын. Бұл челлендждің бастауы болсын», — деді Бауыржан Анарбеков.
Кәсіпкерге өзінің бастамасымен «Шымкенттің қайырымдылар клубы», «Жас еріктілер лигасы», «Жастар ресурстық орталығы» және журналисттер, сонымен қатар азық-түліктерді таратуға «Регион такси» басшылығы қолдау көрсетті.
