Елімізде алғаш болып Шымкентегі егу бекеттеріне бейнебақылуа камералары орнатылды. Бұл туралы қалалық денсаулық сақтау басқармасының басшысы Позилов Бақытжан тілшілердің қатысуымен өткен баспасөз брифингінде мәлімдеді.
Басқарма басшысының сөзінше, вакцициялау жұмыстарын ұйымдастыру үшін қалада 45 егу бекеті жұмыс істеуде. Одан бөлек, 25 жылжымалы егу бекеттері бар.
«Шымкент қаласы бойынша бүгінде I компонентпен 291 074 адамға, ІІ компонентпен 175 775 адамға вакцинациялау жасалды. Халық арасында вакцинациялау жұмыстары туралы түрлі қауесеттер тарауда. Жұмыстарды басты назарға алып, бақылауда одан әрі күшейту үшін егу бекеттеріне камералар орнатылды»-дейді Б. Позилов.
Айта кетейік, тұрақсыз эпидемиялогиялық жағдайға байланысты қосымша дайындалған стационарларда науқастарды қабылдау жұмыстары басталып кетті.
