Сүт өнімдерін таңбалау тауардың қымбаттауына әкелуі мүмкін. 
Кәсіпкерлер таңбалау жүйесін енгізуге кететін шығынды есептеп, осындай болжам жасап отыр. Айтуларынша, Шығыс Қазақстанда сүт өнімінің бағасы 29 пайызға өсуі мүмкін. 1 литр сүт 420 теңгеден 600 теңгеге қымбаттайды дейді кәсіпкерлер. Себебі қосымша есепші, таңбаланған тауарды қабылдап алуға жауапты маманның еңбекақысы, кассалық аппаратты құны 1 млн теңге тұратын аппаратқа алмастыру қосымша шығын екенін айтады.
Олар таңбалау жүйесін енгізуге қосымша ақша бөлуді сұрап отыр.
Шынар Оразова
