Түркістанда әйелдер кәсіпкерлігін қолдауға арналған орталық ашылды. «Әйелдер кәсіпкерлігін дамыту» орталығы Қазақстанның барлық аумағында бой көтеретін 17 орталықтың алғашқысы.
Айтулы шараның ашылу салтанатына ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның төрайымы Ләззат Рамазанова, Ұлттық экономика вице-министрі Әлішер Әбдіқадыров арнайы келіп қатысты.
Бұл орталық іскер әйелдерге жеке бизнес жобаларды іске асыруда барлық қызмет түрлерінен қолдау көрсетеді. Сондай-ақ, кәсіп иелері үшін оқыту тренингтері мен мастер-класстар ұйымдастыру, дайын өнімдерді нарыққа өткізу аясын кеңейту жағынан көмек көрсету де басты назарға алынған.
Айта кетейік, елімізде әйелдер басқаратын кәсіпорындар 42,3 пайызды құрайды.
Гүлдана Дәурен
