«Отбасы банкі» төрайымы депозиттерге бір реттік сыйақының қалай төленетінін түсіндіріп берді. Ләззат Ибрагимованың айтуынша, тұрғын үйге деп ашылған депозиттердің барлығы бағдарламаға қатысады.
Бірақ, сыйақы келесі жылы наурызда төленеді. Оған дейін ақша шотта болады. Ал сыйақы көлемі 24 ақпанда депозитте жатқан соммаға байланысты. Бір жарым миллион теңге болса, бір жылдан кейін алатын сыйақыңыз 150 мың теңге болмақ. Ал ең жоғары төлем 2 миллион теңге. Яғни депозитте 30-40 миллион болса да, сыйақы көлемі содан аспайды. Оны алу үшін ешқайда өтініш берудің қажеті жоқ.
Шынар Оразова
