Щучинск қаласында жас патриоттардың бірінші спартакиадасы басталды. Қазақстан әскерінің құрылғанына 30 жыл толуына орай ұйымдастырылған жарысқа «Жас сарбаз» әскери-патриоттық қозғалысы мен «Жас ұлан» республикалық мектебінің тәрбиеленушілерінен жалпы саны 80-ге жуық жасөспірім қатысуда.
Сайыс Шоқан Уәлиханов атындағы әскери колледж және Қорғаныс министрлігі Орталық спорт клубының оқу-жаттығу базасында өтіп жатыр. Төрт күн бойы жасөспірімдер пневматикалық мылтықтан оқ атудан, белтемірге тартылудан, шаңғы жарысы және әскерилендірілген эстафетадан жарысып бақ сынайды. Қорытындысы бойынша жеке және командалық есепте жеңімпаздар анықталады.
Мөлдір Ибадуллаева
