Түркістанда көршісінің атынан онлайн несие рәсімдеген тұрғын ұсталды. Түлкібас аудандық полиция бөліміне арызданған әйелдің айтуынша, белгісіз біреу атынан онлайн несие алып, 100 000 теңгеден астам шығын келтірген.
Аталған жайт бірден ҚР ҚК-нің 190-бабы «Алаяқтық» бойынша тіркелді. Тексеру жұмыстары нәтижесінде, полицейлер осы қылмысқа қатысы бар күдіктіні анықтады. Ол Арыс қаласының тұрғыны болып шықты. Әрі алаяқтық жасаған ер азамат жұмыссыз және жәбірленушінің көршісі екені белгілі болды.
Жәбірленушіден қоңырау соғу үшін ұялы телефонын сұрап алған көршісі, оның банк қосымшасымен несие рәімдеген. Қазіргі таңда күдіктіге қатысты сотқа дейінгі тергеу амалдары жүргізілуде. Күдіктінің басқа да осындай алаяқтық қылмысына қатысы бар-жоғы анықталуда.
