Шымкент қаласы Мангелдин көшесінде орналасқан көпқабатты тұрғын үйдің пәтер егесі 112 Құтқару қызметіне хабарласып көмек сұраған. Хабарласқан азаматша үйіне кіре алмай жатқаны және ішінде жас бала барын айтты.
Жедел-құтқару жасақтың құтқару бөлімшесінің құтқарушылары
мекенжай бойынша барып, сатының көмегімен үшінші қабаттағы пәтерге терезеден ішке кірген. Пәтердің есігін іштен ашып беріп, тоғыз жасар бала аман-сау екенін анықтап, туыстарына тапсырды.
Жыл басынан бері құтқарушылар есік ашуға 200_ге жуық шығу жасап, 150_ден аса адамды құтқарды, оның ішінде 90_нан аса жас бала.
