Әскери қызмет қауіпсіздігінің негіздері бойынша сабақтар өткізіледі

35

Отан алдындағы борышын өтеу үшін Шымкенттің механикаландырылған бригадасына Атырау облысынан 20 әскерге шақырылушы келді. Олардың барлығы күзгі әскерге шақыру науқаны аясында іріктелген.

Әскери оркестрдің шеруімен саптық алаңда сарбаздар қатарына шақырылғандарды бөлім командирі подполковник Дастан Мұхамеджанов қарсы алды. Ол болашақ сарбаздарға қызмет ететін бөлімнің тарихы туралы айтып, оларды жас толымның әкімшілігімен таныстырды.

– Сіздерді біздің әскери бөлімге келулеріңізбен құттықтаймын. Алдағы он екі айдың ішінде командирлеріңіздің басшылығымен сіздер әскери істің білікті маманы боласыздар, ал ата-аналарыңыз сіздерді мақтан тұтады. Әскери форманы абыроймен киіңіздер және қойылған міндеттерді адал орындаңыздар, – деді әскери бөлім командирі подполковник Дастан Мұхамеджанов.

Салтанатты кездесуден кейін сарбаздар казарманың орналасқан жерімен танысты, ал жас толым жиынының басшылығы жас жауынгерлерге әскери киімдерін ретке келтіруге көмектесті.

Алдағы бір айдың ішінде олар жалпы әскери дайындықтың негізгі пәндері бойынша білім алады. Олармен саптық, дене шынықтыру, атыс, әскери-медициналық даярлық, жалпы әскери жарғылар және әскери қызмет қауіпсіздігінің негіздері бойынша сабақтар өткізіледі. Сондай-ақ, саптық жиындар мен салтанатты шараларға дайындық бойынша қалай жұмыс істеу қажеттігін де қоса үйренеді. Мұның өзі жас сарбаздар үшін үлкен дайындық болмақ. Әскери медициналық дайындық негіздерін үйрену де тек әскерде ғана емес, күнделікті жағдайда да қажет екені анық. Жас толымның жиыны әскери ант қабылдау рәсімімен аяқталады.

Мемлекет басшысының қорғаныс саласына көптеп көңіл бөлу туралы берген тапсырмасына сай әскери салада осы сынды жұмыстар атқарылуда.