«Қазақстан темір жолы» ұлттық компаниясы өткен жылы 10 млн тонна астық тасымалдады. Оның ішінде 8 млн тонна экспортқа жөнелтілді, бұл 2021 жылмен салыстырғанда 18%-ке артық, – деп хабарлады ҚТЖ баспасөз қызметі. Қазақстан астығын өткізетін негізгі нарық Орталық Азия елдері екені белгілі, бұл бағыттағы экспорт 11%-ке өсіп, 5,6 млн тоннаны құрады.
«Қытайға жеткізілім көлемі айтарлықтай 134%-ке өсіп, 600 мың тоннаға жетті. Бұған контейнерлік тасымалдың дамуы себеп болды», – деп түсіндірді Қазақстан темір жолы. Тарттырылған өнімдерді тасымалдауда да оң қарқын байқалды. 2022 жылы ұн тасымалдаудың жалпы көлемі 3,1 млн тоннаны құрады, оның ішінде экспортқа 2,3 млн тоннасы шығарылды.
Сонымен қатар, жүктердің басқа түрлерін, ең алдымен кенді және көмірді тасымалдау айтарлықтай өсті, оларды жеткізу ауқымы да кеңіді. Бұл теміржол инфрақұрылымына жүктеменің күрт өсуіне әкелді.
