Шымкент қаласының кәсіпкерлер палатасында сауда салалық кеңесінің кезекті отырысы өтті. Шымкент қаласының прокуратурасы, полиция департаменті, мемлекеттік кірістер басқармасының өкілдері, кәсіпкерлер қатысқан жиын алкогольді өнімдер сататын кәсіпкерлік субъектілерінің жұмысына арналды.
Атап айтқанда, алкогольді өнімдерді сату тәртібін, заң талаптарын сақтау мәселелері пысықталды. Бұл туралы Шымкент қаласы прокуратурасының прокуроры Алмас Алтаев түсіндірді.
«Алкоголь өнімдерін сату бойынша ҚР Заңнамасының талаптары бар. Мысалы, алкоголь өнімдерін 21 жасқа толмаған тұлғаларға сатуға немесе түнгі сағат 23:00-ден кейін сатуға тыйым салынады. Оған қоса алкоголь өнімдерін сатушының арнайы лицензиясы болуы керек. Бүгінгі таңда Шымкент қаласының мемлекеттік кірістер департаментінің мәліметіне сәйкес, қала аумағында алкоголь өнімдерін сақтау лиценциязы бар 1328 заңды тұлға тіркелген. Олардың арасында алдын алу жұмыстары жүргізілуде. Статистика бойынша жыл басынан бері бір ғана Тұран аудандық полициция басқармасы тарапынан алкоголь өнімдерін сатушыларға қатысты 78 хаттама толтырылып, сотқа жіберіпді. 36 іс бойынша әкімшілік шара қолданылып, жалпы сомасы 3 млн 700 теңгеге айыппұл салынды», – деді прокурор Алмас Алтаев.
Жиында кәсіпкерлер өздерін қызықтырған сұрақтарын қойып, мамандардың жауабын алды.
Сонымен қатар Қаратау аудандық мемлекеттік кірістер басқармасының өкілдері заңды тұлғалардың табыс туралы декларацияны тапсыруы туралы түсіндірді.
Алкоголь өнімдерін сатуға тек лицензиясы бар жеке тұлғаларға рұқсат. Егерде бұл талап орындалмаған жағдайда заңға сәйкес 55 380 теңгеден 553 800 теңге мөлшерінде айыппұл қарастырылған.
Мемлекеттік кірістер басқармасының мамандары ҚР «Алкогольдік өнімнің айналымы мен мемлекеттік реттеу туралы» №429-1 Заңының 12 бабы 2 тармағына сәйкес, алкоголь өнімін сақтау және бөлшек саудада өткізуге лицензиясы бар тұлғалар ғана алкоголь өнімін сатуға құқылы екендігін ескертеді. Республика аумағында алкоголь өніміннің айналымы барысында мына талаптар сақталуы қажет.
Сала мамандары Заң талаптарының орындалуын қамтамасыз ету мақсатында алкоголь өнімдерін саудалайтын жеке кәсіпкерлермен түсіндіру жұмыстары үнемі ұйымдастырылып тұратынын алға тартады. Бүгінде Әл-Фараби ауданында 381 жеке тұлға лицензия алып, кәсібін дөңгелетуде.
