Шымкенттегі Бадам өзенінен белгісіз ер адамның денесі табылды.
Қалалық Төтенше жағдайлар департаментінің хабарлауынша, 24 сәуірде сағат 17.15-те төтеншеліктерге 103 қызметінен Саттарханов көшесі бойындағы Бадам өзенінен киімі бар, шамамен 50-60 жастағы ер адамның денесі табылғандығы туралы хабарлама келіп түскен. Жедел-құтқару жасағының құтқарушылары ер адамның денесін судан алып шықты.
«Оқиға орнына Төтенше жағдайлар департаментінен 5 адам және 1 техника жұмылдырылды. Оқиғаның мән-жайын Полиция департаменті анықтауда»,-делінген ТЖД мәліметінде.
(Фото: Шымкент қ. ТЖД)
