Қалалық жастар ресурстық орталығында 2023-2024 оқу жылындағы жауынгерлік дайындық пен әскери тәртіпті қорытындылауға арналған механикаландырылған бригаданың жеке құрамының салтанатты жины өтті. Іс-шараға тек әскери қызметшілер ғана емес, олардың отбасы мүшелері де қатысып, әскери ұжымдағы қолдау мен бірліктің маңыздылығын атап өтті.
Механикаландырылған бригада басшылығы офицерлер мен сержанттар алдында баяндама жасады. Олар өз сөздерінде бір жылдағы жетістіктер мен табыстарды атап өтті, сондай-ақ қауіпсіздік шаралары мен әскери қызметшілердің денсаулығын сақтау сияқты ерекше назар аударуды қажет ететін мәселелерге тоқталды.
Бригада командирі, подполковник Сергей Сергеевич Бибулатов өз сөзінде жеке құрамға және олардың отбасыларына атқарылған жұмыстары үшін алғыс білдіріп, ортақ іске қосқан әрбір үлестің маңыздылығын атап өтті.
— Сіздердің еңбекқорлығыңыз бен тәртіптілігіңіздің арқасында біз айтарлықтай нәтижелерге қол жеткіздік. Мен сіздерге және сіздердің отбасыларңызға қолдау мен қызметке адалдығыңыз үшін шын жүректен алғыс айтамын. Баршаңызға еңбек жолында табыс тілеймін! — деді ол.
«Айбынды Армия – Тәуелсіздік кепілі» ұранымен өткен оқу жылы дивизион және батальон деңгейлерінде офицерлер мен сержанттардың кәсіби шеберлігін арттыруға, сондай-ақ барлық деңгейдегі штабтар жұмысының үйлесімділігін жақсартуға бағытталды.
Далалық жаттығулар мен жауынгерлік дайындық сабақтары барысында батальондардың, дивизиондардың, роталардың және батареялардың командирлері жеке құрамды даярлау сапасына ерекше назар аударды. Кіші командирлер бөлімшелерді дұрыс басқаруға және қару-жарақ пен әскери техниканы тиімді пайдалануға, сондай-ақ қауіпсіздік шараларын қатаң сақтауға баса назар аударды.
Өткен жылы бригада бөлімшелерінде 13 кенеттен тексеру жүргізілді, оның қорытындысы бойынша «Жауынгерлік дайын» деген жоғары баға берілді. Сондай-ақ командалық-штабтық тактикалық және бірлескен штабтық тактикалық оқу жаттығулары 6 рет өткізілді. Аталған оқу-жаттығулар барысын «Оңтүстік» өңірлік әскерлері қолбасшысының басқармасынан келген комиссия тексерді. Бригада басқармасы мен батальон (дивизион) штабтары «Жақсы» деген баға берілді.
