Жыл басынан бері, қаңғыбас ит-мысықтарды аулау бойынша 2 мыңға жуық арыз-шағым түскен. Өтінімдердің негізінде, ізгілікті жолмен 11 мың басы ауланды дейді қала әкімінің орынбасары Сәрсен Құранбек. Оның айтуынша, алдағы уақытта ит-мысықтарды ұстайтын орын режимдік обьект болады деп отыр. Өйткені, зооқорғаушылар ит аулайтын азаматтарға кедергі келтіруде.
Үш айда қаңғыбас 11 мыңға жуық ит-мысықтар ауланып, 10 мыңнан астамы жансыздандырылған. Өйткені, кейбір жануарлардың түрлі ауруы бар дейді қала әкімінің орынбасары. Сөзіне сенсек, жазылмайтын дерт, адамға да жұғады. Мәселен, иттің нәжісі мен зәрін басып кетсеңіз, ауру жұқтыруыңыз мүмкін.
Сәрсен Құранбек, Қала әкімінің орынбасары: «Бұл жануарлардың жазылмайтын ауруы бар. Оның ішінде құтыру, токсоплазма, филлиноз сынды аурулар бар. Ол міндетті түрде иттің қабуы емес. Оның нәжісін, зәрін басып кеткеннің өзінде адамға жұғатын аурулар бар. Мұның адам ағзасына әсері өте зор. Сол себепті, иттер ауланған соң, лабороториялық тексеруден өтеді. Бұдан басқа бізден сұрайтындар бар. Егер лабороториялық тұрғыдан денсаулығы дұрыс болатын болса, ұстаймын дегендерге бере аламыз. Бірақ, олай дейтіндердің саны аз. Керісінше, иттерін біраз уақыт баптап, сосын тамағым жоқ деп, қаңғытып жіберетіндер бар. Мұның барлығы назар аударатын дүние. Ол сыртқа шыққан соң, бірнәрсе жеп қоюы мүмкін. Оны жеген соң, ауру жұғып, таратушыға айналуы мүмкін. Сондықтан, жауапкершілікпен қарасаңыздар».
Қоғамда ит-мысықтардың қорғаушылары жетерлік. Әсіресе, зооқорғаушылар шетелден қаржыландырылып, ит аулаушыларға кедергі келтіріп жатады. Бірақ, біз бұл мәселенің алдын-алуға тырысудамыз дейді Сәрсен Құранбек.
«Енді мынау зооқорғаушылар бар. Ол кісілер, ит-мысықтарды қорғаймыз деп шетелден ақша алады. Ит аулаушыларды үйінен бастап аңдиды. Барған жеріне дейін түгелдеп, фиксация жасап отырады. Қазір, жалпы заңымыздың өзі ізгілікті заң. Осы жануарларды болсын, ізгілікті жолмен аулаймыз. Кейде ол кісілер жала жаптым деген мәселесі бар. Зооерікті деп аталатын кісілер телефонын көтеріп алады да , питомниктің алдына келіп тұрады. Жалпы режимдік обьектілердің қатарына жатқылатын болады. Қазір құжаттарын рәсімдеу үстіндеміз. Егер, режимдік обьектіге жатқызылған соң, ешкімді кіргізбейміз. Қазірдің өзінде мақсаты болу керек. Алдын-ал жазу керек. Сол кезде ғана кіргіземіз. Ол жердегі ит-мысықтардың күтімі өте жақсы», — дейді Сәрсен Құранбек.
Қала әкімі орынбасарының айтуынша, ит-мысықтарды піштіретін мамандар тапшы. Олардың біреуін стеризациялауға бюджеттен 15 мың теңге бөлінген. Ал, шетелдік мамандарды шақыратын болсақ, 40 мың теңгені қажет етеді екен.
«116 итті стерилизация жасаттық. Оны жасаған шетелден қаржы алатын, оны мойнына міндет қылып алған компаниялар болатын. 116 иттің екеуі өліп қалды. Кейде ондай жағдай болады. Кейде стерилизация дұрыс жүрмеді. Кейде басқалай жағдай болған шығар. 116 иттен екеуі өлді дейтін аса ауыр дүние емес. Осы зооқорғаушылар, итті улап өлтірді деп әлеуметтік желіде көтерді. Біз иттің өлігін апарып, мұздатқышта сақтап, дүйсенбі күні лабораторияға апарып, ішкі органдарын алып, нәтижесінде, иттің уланбағанын, табиғи жолмен қайтыс болғанын көз жеткізіп жатырмыз».
Айта кетейік, 100 мыңға жуық иттің иесі бар болса, 40 мыңнан астам қаңғыбас иттер тіркелген.
Нұргүл Жолымбетова
