Оңтүстік Қазақстан облыстық ішкі істер департаменті бастығының орынбасары тағайындалды. Бұл туралы облыстық әкімдіктің баспасөз қызметі хабарлайды.
Департамент бастығының бірінші орынбасары лауазымына Әсілхан Қалаубаев тағайындалды. Әсілхан Сәулеханұлы бұған дейін Шымкент қалалық ішкі істер басқармасына қарасты Қаратау полиция бөлімін басқарған.
Әсілхан Қалаубаев 1963 жылы 4 қазанда Оңтүстік Қазақстан облысында, Қазығұрт ауданында туған. 1995 жылы С.М.Киров атындағы Қазақ мемлекеттік университетін «заңгер» мамандығы бойынша тәмәмдаған.
Әсілхан Қалаубаев еңбек жолын облыстық ішкі істер басқармасының патрульдік-күзет қызметінің батальонында миллиционер болып бастаған. Одан соң өңірдің ішкі істер салаласының құрылымдарында түрлі қызметтерді атқарды.
