Бүгін Оңтүстікке нобель сыйлығының лауреаты Эрвин Неер ресми іс-сапармен келді. Оңтүстік Қазақстан Медициналық Фарма Академиясына ат басын тіреген шетелдік қонақ мұнда қолға алынған жобалардың нәтижелерімен танысып, лаборатория базасын көріп, студенттер мен ғалымдар тірі жасушалы мембраналарды ионды жолдардың қасиеттерін зерттеуге мүмкіндік беретін әлеуетті локальді фиксациялау әдісі жайында лекция оқыды.
Айта кетейік, 23 мамырда елордада 6 Астана экономикалық форумы өтеді. Форумға 100 елден 85 мың қатысушы келеді деп күтілуде. Елбасы Н.Ә.Назарбаевтың арнайы шақыртуымен келген Эрвин Неер форум аясында Алматы және Шымкент қалаларындағы жоғарғы оқу орындарына ат басын тірепті. Ғалымның Шымкенттегі сапары Мемлекеттік фармацевтикалық академиясына тың серпін берді.
Оңтүстіктегі іс-сапар барысында ғалым шаһардың көрікті жерлерін аралып, Түркістан қаласындағы Х.А.Яссауй кесенесіне баруды жоспарлапты.
[youtube]http://www.youtube.com/watch?v=66He5PZuup0[/youtube]
