Шымкентте облыстық сот жарты жылдық жұмысын қорытындылады. Жыл басынан бері түрлі деңгейдегі сотта 23 мың азаматтық іс қозғалып, 26 мыңнан астам талап-арыз түскен. Бұл — өткен жылғы көрсеткішпен салыстырғанда 10 пайызға артық. Атқарылған жұмыс көп, алайда, алда әлі де қыруар шаруа бар.
Баспасөз мәжілісі облыстық сотта өтті
Бірден айтайық, сот саласындағы жетістіктің бірі — сырттай шығарылатын шешімдердің саны азайған. Яғни, айыпталушы тараптың қатысуынсыз оқылатын үкімдер әлдеқайда кеміген. Бұл — халықтың түсінушілігіне қол жеткізілді деген сөз дейді облыстық соттың төрағасы.
Нұрсерік Шәріпов, облыстық соттың төрағасы
«Облыс деңгейінде пайызбен шаққанда сырттай шығарылатын сот шешімдерінің саны азайып отыр, — дейді облыстық соттың төрағасы Нұрсерік ШӘРІПОВ. — Абсолюттік цифрмен айтсақ, былтыр жарты жылда сырттай оқылған үкімнің саны 4 мыңнан асып кетсе, биыл — бар болғаны 1176. Яғни, 26 пайызға аз. Және бұзылғаны да аз».
Сотта қаралатын істердің арасында халық арасында үлкен әгімеңе арқау болғандары да бар. Соларыдң бірі — 11 әйелдің өмірін қиған халықаралық қылмыстық топтың ісі. Қазақстан мен Өзбекстанның азаматтары екі елдің шекарасында жүріп, қыз-келіншектерді зорлаған әрі өлтіргені белгілі. Сол қанішерлер таяуда тиісті жазасын алып, екеуі елде өмір бойы түрмеге тоғытылды.
Айта кету керек, жыл басынан бері түрлі деңгейдегі сотта 23 мың азаматтық іс қозғалып, 26 мыңнан астам талап-арыз түскен. Бұл — өткен жылғы көрсеткішпен салыстырғанда 10 пайызға артық. Тиісінше, шығарылған үкімнің саны да артып отыр. Ал әділқазылар алдағы уақытта да білек сыбана кірісетін жұмысымыз көп деп отыр.
