«Қазақтың 100 әні». Осындай тақырыппен Шымкенттегі физика-математика бағытындағы Назарбаев зияткерлік мектебінде байқау өтті. Білім ұясының оқушылармен қосылып олардың ата-аналары, серіктестері, ұстаздар қауымы өнерлерін паш етті.
Сахнаға Абай Құнанбаев, Илья Жақанов, Нұрғиса Тілендиев және Ескендір Хасанғалиевтің шығармаларын орындауға 9 жұп шықты. Екінші рет ұйымдастырылып отырған шараның мақсаты – өскелең ұрпақтың бойына ұлт жандылықты сіңіру.
Қаракөз Әбдірахманова, физика-математика бағытындағы Назарбаев зияткерлік мектебінің директоры: «Қазақтың 100 әні» бақауы – бір күндік шара емес. Жүйелі түрде жүреді. Бүгін байқаудың алғашқы кезеңі. Біздің оқушылар – Қазақстанның болашағы. Олар – болашақ дәрігер, ғалым, ұстаз, ұлттың болашағы. Сондықтан әрбір оқушының бойына ұлттық құндылықты сіңіруі қажет. Ұлтжанды азаматтар ғана елі үшін аянбайды.»
