2015 жылдың 25 желтоқсаны күні Қазақстан Республикасы ішкі істер министрінің бұйрығымен полиция полковнигі Айтбеков Сәкен Әбілдаұлы Оңтүстік Қазақстан облыстық ішкі істер департаменті бастығының бірінші орынбасары лауазымына тағайындалды.
Полиция полковнигі Сәкен Айтбеков ішкі істер органдарындағы қызметін Кентау ҚІІБ-нің қылмыстық іздестіру бөлімінің инспекторы қызметінен бастаған. Жедел бөлімдерде әртүрлі лауазымдарда қызмет атқарған. Әр жылдары ОҚО ІІД ұйымдасқан қылмысқа қарсы күрес басқармасының бастығы, ОҚО ІІД Сарыағаш АІІБ-ның, ОҚО ІІД өзіндік қауіпсіздік басқармасының бастығы, ал 2013-2015 жылдары ОҚО ІІД бастығының орынбасары қызметтерін абыроймен атқарған.
2015 жылдың желтоқсан айынан ОҚО ІІД бастығының бірінші орынбасары.
Полиция полковнигі Сәкен Айтбеков жоғары білімді заңгер. Б.Бейсенов атындағы Қарағанды заң институтын тәмамдаған. Самбо және қазақша күрестен КСРО спорт шебері.
