Астанада «Оңтүстік өнімдері» көрмесі өтуде

Астанада бүгіннен басталған Оңтүстік Қазақстан облысының күндері аясында тауар өндірушілердің «Оңтүстік өнімдері» көрмесі ашылды. Жиынға қатысқан облыс әкімі Жансейіт Түймебаев барша келушілерге алғысын білдіре отырып, күнгейлік көрме арқылы өңірдің инвестициялық және туристік әлеуетімен танысуға мүмкіндіктің мол екенін айтты.

Астанада «Оңтүстік өнімдері» көрмесі өтуде

– Биыл біздің елімізде шын мәніндегі ғажайып оқиға – Астана ЭКСПО-2017 халықаралық көрмесі өтуде. Бұл – техникалық және технологиялық жетістіктерді көрсететін, жаңа идеялар мен қызықты жобалардың нышаны, индустрияландыру символы болып табылатын халықаралық көрме. Ал бүгінгі тауар өндірушілер көрмесі – біз үшін өте маңызды оқиға. Мұнда өзіміздің жетістіктерімізді көрсетіп, көпшілікке танымал етуге, тұтынушылар мен өндірушілер арасында тығыз байланысты орнатуға мүмкіндік көп, – деді Жансейіт Қансейітұлы.

Астанада «Оңтүстік өнімдері» көрмесі өтуде

ЭКСПО-2017 халықаралық мамандандырылған көрмесіне күнгейден жеткен тамақ және жеңіл өнеркәсіп, машина жасау, фармацевтика және құрылыс заттары салаларының 60-тан астам кәсіпорны қатысып жатыр.

Астанада «Оңтүстік өнімдері» көрмесі өтуде

Үш күнге жалғасатын шарада Оңтүстіктің шағын қаржыландыру орталықтары мен ауыр және жеңіл өнеркәсіптерге қатысты индустриалды аймақтары, әлеуметтік-кәсіпкерлік корпорация мен көліктік-логистикалық аймақтар, туристік ақпараттық орталықтардың дүңгіршектері қойылды.

Астанада «Оңтүстік өнімдері» көрмесі өтуде

Бас қаладағы «Бейбітшілік және келісім» сарайында ұйымдастырылып жатқан көрмеге келушілер, атап айтқанда, облысымызға кеңінен танымал кілем өнімдері мен шұлық-ұйық бұйымдарын, үйге арналған тоқыма бұйымдарды, киімдер, оқу формалары, сәбилерге арналған жиынтықтарды тамашалап жатса, бірқатар қонақтар Оңтүстікте тігілген аяқ киімдер мен ерлер костюмдерін киіп көріп жүр.

Астанада «Оңтүстік өнімдері» көрмесі өтуде

Мұнан бөлек елордалық жұртшылықтың назарына күнгейде жасалған трансформаторлар, дәрілік заттар мен медициналық мақсаттағы бұйымдар, медициналық құрылғылар, құрылыс заттары, жиһаз, азық-түлік өнімдері және өзге де өнімдер ұсынылуда.

Астанада «Оңтүстік өнімдері» көрмесі өтуде

Астанада «Оңтүстік өнімдері» көрмесі өтуде

Ерекше айта кететін жайт, көрмеге келушілердің шарада ұсынылған Оңтүстік өнімдерін нарықтағы бағадан 15-20 пайызға арзан сатып алуға мүмкіндігі бар.

Астанада «Оңтүстік өнімдері» көрмесі өтуде

Астанада «Оңтүстік өнімдері» көрмесі өтуде

Сондай-ақ, Астана қаласындағы этноауылда Оңтүстік Қазақстан облысы күндерінің шеңберінде өңір қолөнершілерінің құнды шығармаларынан жасақталған «Құтты өлке қолөнері» атты көрме өтуде.

Астанада «Оңтүстік өнімдері» көрмесі өтуде

Халықаралық көрмес аясында өткізіліп отырған мәдениет күндерінде облыстың қолөнершілері тоқыма, сырмақ сыру, кесте тігу, әшекей бұйымдар, ағаш бұйымдарын әрлеу, ісмерлік, ұсталық сынды қолөнер бұйымдарын әзірлеп көпшіліктің назарына ұсынды. Сонымен бірге, ұлттық мәдениетті насихаттауды көздеген оңтүстікқазақстандық қолөнершілер мен суретшілердің төл туындылары және өңірдің тарихи, мәдени келбетін айқындайтын 1500-ден астам құнды жәдігер насихатталуда.

Астанада «Оңтүстік өнімдері» көрмесі өтуде

Астанада «Оңтүстік өнімдері» көрмесі өтуде

Этноауыл орталығында «Түркістан – түркі әлемінің мәдени астанасы» жылы аясында өткізілген іс-шаралар мен жуырда ғана оңтүстіктің киелі орындарын көзбен көріп, майлы бояу арқылы өрнектеген түркі әлемі суретшілерінің туындылары да осында қойылған.

Астанада «Оңтүстік өнімдері» көрмесі өтуде

Ұлттық нақыштағы кәдесый бұйымдарын дайындайтын заңды және жеке тұлғалар ұлттық қолөнер туындыларын қонақтарға таныстырса, 47 қолөнер шебері мен 7 суретші арнайы шеберлік сабақтарын өткізіп, ұлттық қолөнер бұйымдарын әзірлеудің қыр-сырын жиналған көпшіліктің назарына ұсынады.

Астанада «Оңтүстік өнімдері» көрмесі өтуде

Астанада «Оңтүстік өнімдері» көрмесі өтуде

Еске салайық, Оңтүстік Қазақстан облысының ұлттық құндылықтарды дәріптейтін көрме 29 тамыз бен 3 қыркүйек аралығында күнделікті сағат таңғы 10:00 мен кешкі 20:00-ге дейін өткізілетін болады.

Астанада «Оңтүстік өнімдері» көрмесі өтуде

ОҚО әкімінің баспасөз қызметі

Фото: Самат Мырзалиев