«Аstana Musical» театры Шымкентте!

«Аstana Musical» — елордалық өнер ұжымы 31-наурыз күні, сағат 19-00-де, «Түркістан» сарайының төрінде күнгейлік көрерменмен қауышады. Дәлірегі, жерлестеріміз үшін «Қыз Жібек» этно-фольклорлық мюзиклін сахналайды. Бұл жөнінде өнер ошағының өкілдері бүгін жорналшылармен өткен жиында мәлімдеді. Айта өтетін ақпарат, өткен жылы аталған мюзикл «Жаһандағы заманауи Қазақстандық мәдениет» жобасы аясында Франция, Бельгия, Австрия, Ресей мемлекеттерінде сахналанып, шетелдік талғампаз көрерменнің қошеметіне бөленген. Ал бұл гәстрөлдік іс-сапар Елордамыз — Астана қаласының 20 жылдық мерейтойының құрметіне қолға алыныпты.