Мемлекет басшысы Шымкентке жұмыс сапарымен келді. Шымкент қаласының әкімі Ғабидолла Әбдірахымов Тоқаевты құрылысы жүріп жатқан жаңа нысандардың үлгілері, олардың арасында «Шымкент сити» жобасымен таныстырды.
Үшінші мегаполис басшысы қала құрылысының қалай жүргізіліп жатқанына тоқталып, құрылыс барысын президентке айтып берді. Қасым-Жомарт Тоқаев миллионер қаланың мэрінен жобаның тапсыру мерзімін сұрады. «Біз Шымкенттің құрылысын шамамен бес жылда аяқтауды жоспарлап отырмыз», – деді Әбдірахымов.
Мемлекет басшысы Шымкент қаласының әуежайына, темір жол вокзалына және қаланың шетінде салынып жатқан жаңа Тұран ауданына арналған ірі жобалар бойынша құрылыс жоспарларымен танысты.
«Елбасы қаланың шетінде жаңа тұрғын үй құрылысын салуды тапсырды, енді біз бұл жұмыстарды атқарып жатырмыз», – деп түсіндірді Ғ.Әбдірахымов.
Президентті Шымкенттегі «Цитадель» жобасы таң қалдырды, мәдениет министрі Арыстанбек Мұхамедиұлымен бірге Шымкент қаласының әкімі объектінің қандай болатынын айтты.
«Сізге сәттілік тілеймін, идеяларыңыз жақсы. Ең бастысы – мерзімдерінде тапсыру», – деді Қазақстан Республикасының Президенті Қасым-Жомарт Тоқаев. Сапар барысында Мемлекет басшысы Шымкенттегі бірнеше учаскеге барады.
