Түркістан облысының дәрігерлері «Халықаралық балаларды қорғау күніне» орай мыңға жуық адамның басын қосып, бұрын соңды болмаған шара өткізді.
Түркістан облысы әкімінің орынбасары Жолдымұрат Аманбаев пен Түркістан облысы денсаулық сақтау басқармасының басшысы Мұқан Егізбаев «Халықаралық балаларды қорғау күніне» орай ауқымды шараға қатысты.
1 маусым күні «Дені сау ұрпақ – Мәңгілік елдің кепілі» атты шара елімізде тұңғыш рет өтті. Іс – шара Денсаулық сақтау министрлігі бұйрығы мен «Жол картасы» аясында халық арасында медициналық сауаттылықты арттырып, алғашқы медициналық санитарлық көмек көрсету негіздерін үйрету мақсатында Түркістан облысы медициналық мекемелерінде өтуде.
Бұрын соңды болмаған ауқымды сайысқа аналар мен аяғы ауыр қыз – келіншектер және 3 -18 жас арасындағы балалар мен ақ халаттылар атсалысты.
Ашық асқан астында шатырлар құрылып, жүздеген адам бақ сынады. Денсаулық сақтау министрлігі бұйрығы мен «Жол картасы» аясында халық арасында медициналық сауаттылықты арттырып, алғашқы медициналық санитарлық көмек көрсету негіздерін үйрету мақсатында Түркістан облысы медициналық мекемелерінде ауқымды іс – шара жүзеге асуда.
Ерекше шара барысында 15-ке жуық команда жасақталып, сайыс түрінде өтті. Жарыста сурет көрмесі, 1 жасқа дейінгі балаларды дұрыс тамақтандыру ережелері, яғни тағамдар көрмесі ел назарына ұсынылады. Сондай- ақ, балалар мен жүкті әйелдер және жас аналардың қауіпті жағдайларда тығырықтан шығу жолдарына қатысты сауат ашу сайысы ұйымдастырылды. Отбасын жоспарлау, босануға дайындық, серіктестік босану жолы мен жаңа туған нәрестенің үй жағдайындағы күтімі, температуралық тізбек, акушерлік және педиатриядағы қиын жағдайларда шұғыл көмек көрсету мен цифрландыру және онлайн тіркеу кестесі көпшілік назарына ұсынылды.
Сайыста бірнеше номинация бойынша үздіктер анықталып, бағалы сыйлықтар табыс етілді. 100-ден астам балалар мен жүкті және босанған әйелдерге арналған арнайы сыйлықтар таратылды.
Ауқымды шараға Алматы қаласынан келген арнайы қонақтар мен қол ұшын созған қайырымды жандар қатысты. Кеш соңында флешмоб пен концерттік бағдарлама өтті.
