Түркістан қаласында ауыл шаруашылығы өнмдерінің жәрмеңкесі өтті. «Алтын бұлақ» автобекетінде өткен сауда алаңында Сайрам мен Төле би ауданы және «Түркістан» Әлеуметтік-кәсіпкерлік корпорациясы мен қала кәсіпкерлерінің өнімдері ұсынылды.
Өнімдер нарықтағы бағадан 10-15% төмендетіліп саудаланды. Атап айтқанда, картоп – 90-100 теңге, пияз – 50 теңге, жылқы еті – 1800 теңге, сәбіз – 70 теңге, қырыққабат – 60-65 теңге, қауын-қарбыз, асқабақтың келісі – 50 теңгеден, сондай-ақ, жүзім 200 теңге, алма 120-200 теңге, қызанақ 70-100 теңге, қияр – 300 теңгеден саудаланды.
Жалпы, бүгінгі жәрмеңке аясында 30 тоннадан астам өнім қойылды. Жәрмеңке жексенбі күні де жалғасын табады.
Назерке Үкібасова
