Шардара ауданында екі кезеңнен тұратын «Батаменен ел көгерер» атты қариялар арасында бата беруден жарыс өтті. Сайысты «Қасиет» әлеуметтік қызмет көрсету орталығының директоры Жұмабек Қабылов ұйымдастырған.
Шараның басты мақсаты – батаны дәріптеу, кейінгі ұрпаққа насихаттап, ежелгі салт-дәстүрді жаңғырту. Екі кезең қорытындысы бойынша Қыстау Ілесов ақсақал «Ең батагөй» қария атынып, бас жүлдені иемденді. I орынды Болат Жамалханұлы, II орынды Қонарбай Сейдалиев жеңіп алды. Ал Әнуарбек Нысанов жүлделі ІІІ орыннан көрінді.
