Биыл мол астық жинауға мүмкіндік бар. Өйткені, егіс алқаптарында ылғалды сақтау бойынша жұмыстар уақытында жасалды. Осылай деген ауыл шаруашылығы министрі Ербол Қарашөкеев биыл жем-шөп тапшылығы болмайды дейді.
Ал, суды үнемдеу мақсатында мақта алқабы 15 мың гектарға қысқарған. Оның орнына жаңа дақылдар егілмек.
Қазір ел бойынша 26 млн гектардан аса егістік жер бар. Оның 13 пайызында ғана тамшылатып суару әдісі қолданылады. Осы бағытты дамыту үшін Қазақстанға әлемдегі көшбасшы компаниялар тартылмақ.
