Аспаннан балмұздақ жауған күн болды. Кәсіпкер сауда орталығының ашылу құрметіне балмұздақтан шашу шашқан. Алайда онысы дұрыс болмады. Тегін балмұздақ таратқан кәсіпкер заң бұзғаны үшін жауапқа тартылды.
Шара 1 маусым – Балаларды қорғау күніне орай өткен. Тегін балмұздақ Шымкенттегі «Тұран-2» ықшамауданындағы «Жаңалық» сауда үйінің жанында таратылған. Бұл акцияның соңы балмұздақ лақтырып, шуға ұласты.
Ұйымдастырушыға 50 АЕК яғни 196 600 теңге көлемінде айыппұл салынды. Сонымен қатар ол ұсақ бұзақылық жасағаны үшін 5 тәулікке қамауға алынды.
