Естеріңізге сала өтейік, таяуда Бәйдібек ауданының әкімі Әбдімүтәліп Көбеев кәсіпкерге жер бөліп беру үшін пара алды деп айыпталып, артынша мәселенің жалғасы сиырқұйымшақталып кетіп еді.
Сөйтсек, аталған ауданның экс-әкімі жер алып беру мәселесін жалғыз өзі шеше алмайды екен. Тергеу барысын зерделей келе мамандар оны қылмыстық кодекстің алаяқтық бабымен жазалауды шешіпті.
Әнел Мәтиева, ОҚО қаржы полициясының баспасөз хатшысы: «Алғашында, Көбеевке ҚК-дің 311-бабы, «Пара алу» бойынша айып тағылған болатын. Яғни, шенеунік кәсіпкерге жер бөліп беремін деп 1 миллион теңге пара дәметкен делінген еді. Алайда тергеу қорытындысы оның бұл мәселені шешуге құзыреті жетпейтінін анықтады. Яғни, бұл алаяқтыққа апаратын қылмыстың түрі болып табылады. Сондықтан іс қазір сот қарауына өткен».