№52 мектептің бірқатар оқушылары білім алудан бас тартып отыр. Себебі білім ұясына барудың өзі мұң болыпты. Осылай деп арызданған ата-аналар перзенттерінің мектепке барарда лай-батпаққа малынатынын айтады.
Шымкентте Тельман бөлімшесіндегі №52 мектептің бірқатар оқушылары сабаққа барудан бас тартып отыр. Себебі, олар үшін білім ұясына барудың өзі мұң болыпты. Осылай деп арызданған ата-аналар перзенттерінің мектепке барар жолда лай-батпаққа малынатынын айтады.
Жолдың қазіргі көрінісіЖауын жауса болды, тұрғындар толарсақтан су кешіп жүрген балаларының денсаулығына алаңдайдыСондықтан «Тельман» бөлімшесіндегі ағайын көшені айналып өтуге мәжбүрОсыдан 10 жыл бұрын көшеге төселген тас та жерге батып кеткен. Бүгінде ойдым-ойдым көше суға толып, көлшікке айналыптыҚыс ауасында көлшіктің суы тартылар емес. Ал салдарынан оқушылар мектепке аяқтары малмандай су болып, балшық киімдермен барады«Тельман» бөлімшесінің тұрғындары осы мәселемен жылдар бойы жергілікті әкімдіктің есігін қағып келеді. Бірақ жауаптылар ағайынның жазған арызын алмай әлекке салып, құрғақ уәдемен ауыз сүртіп келгенБұл ретте де жол азабын тартқан жерлестеріміз әкімдік өкілдері жайғасқан ғимаратқа барды. Бірақ, жауаптылар орнынан табылған жоқБұл аздай лай-балшықтың үстіне қоқыс толып жатыр
Сальян Байрамов, «Тельман» бөлімшесінің тұрғыны: «Жанымызды шүберекке түйеміз, қашан балалар оқудан келеді деп! Жаңағы жерді көрдіңдер, көл болып жатыр. Оның үстіне кеп топырақ, тас әкеліп, үйіп-үйіп қоямыз, бірақ, одан пайда болмай жатыр. Әкімнің есігі, міне, құлыптаулы, қанша рет келдік, жоқ. Кімге барып айтамыз енді?! Халыққа жағдай жасайтын әкіміміздің түрі мынау!»
Осылайша батпақтан көз ашпай отырған «Тельман» бөлімшесінің тұрғындары құзырлы мекемелерден асфальт жолдың төселуін талап етіп отыр. Әйтпеген жағдайда қыс ауасында оқушылардың мектепке балшыққа батып келуі қиынға соқпақ
