Ауа райының қолайсыздығы қала тұрғындарынан бөлек коммуналдық қызметті аяғынан тік тұрғызды. Күннің бірде жылып, бірде аяздың қысуына байланысты «ЛТД Тұрмыс» мекемесінің мамандары күшейтілген жұмыс кестесіне көшкен.
Олар күн сайын қаладағы үлкенді алты көпірді аралап, қатқан мұзды қағып түсіруде. Ол көпір астынан өтетін көлік пен жаяу жүргіншілердің қауіпсіздігі үшін жасалады. Бұл жұмыс қар толық еріп кеткенше жалғасатын болады.
