Сценарийлері қайталанатын қажетсіз іс шараларды доғару қажет! Облыстық Қазақстан халқы ассамблеясы өкілдерімен кездескен облыс әкімі Жансейіт Түймебаев осылай деді. Өңір басшысы берері шамалы шаралардың орнына халыққа жақын, мағыналы дүниелерді ұйымдастыру қажет дейді.
Құрылым мүшелері, сондай-ақ, жиын барысында күрмеулі мәселелерді ортаға салып, облыс әкімінен олардың оңтайлы шешілуіне атсалысуды сұрады. Алдағы жоспарлар талқыланған жиында құрылым басшысы өз ұсыныстарын жолдап, медиация орталығын ашуға қолдау білдіруді ұсынды.
