Қала тұрғындарының назарына! 8 мамыр күні Шымкентте бірнеше көше жабылады. Қалада Ұлы жеңіс күніне арналған жеңіл атлетика эстафетасы өтеді деп күтілуде. Ұйымдастырушы — «Южный Казахстан» қоғамдық-саяси газеті.
Эстафетаның басталуы таңғы сағат 9-да. Осыған орай Желтоқсан көшесінің Байтұрсынов көшесінен Қонаев даңғылына дейінгі аралығы және Қонаев даңғылының Рысқұлов даңғылына дейінгі бөлігі жабылады.
Мұнда сағат 11:00-ге дейін көлік қозғалысына шектеу қойылады. Жарысты ұйымдастырушылар қолайсыздықтар үшін кешірім сұрайды. Ендеше, жолға шыққанда ескере жүріңіздер.
