Оңтүстік Қазақстан облысы әкімінің өкімімен облыстық құрылыс басқармасының басшысы лауазымына Құттыбек Жамашев тағайындалды.
Құттыбек Рахматуллаұлы 1961 жылы туған, білімі жоғары. Алматы сәулет-құрылыс институтын бітірген. Мамандығы — құрылыс инженері, техника ғылымдарының кандидаты.
Еңбек жолын 1984 жылы Красноярск өлкесінде Шарипов қалалық электр және инженерлік жүйелер мекемесінің шебері болып бастаған. 1986-1992 жылдары Шымкент тұрғын үй құрылысы комбинатының монтажшысы «Шымкентжилстрой» жобалау-құрылыс бірлестігінің монтажшысы, 2-дәрежелі инженері лауазымдарын атқарды.
Мемлекеттік қызметте 1993-2004 жылдары аралығында Оңтүстік Қазақстан облысы кедендік бақылау департаментінің инспекторы, бас инспекторы, бөлім бастығы лауазымдарын атқарған.
2004-2007 жылдар аралығында «Қазақ-орыс текстилі альянсы» ЖШС бас директорының коммерциялық мәселелер бойынша орынбасары, директоры, «Оңтүстік арнайы экономикалық аймағы дирекциясы» директорының орынбасары, 2007-2009 жылдары Оңтүстік Қазақстан облыстық құрылыс департаменті директорының орынбасары, облыстық мемлекеттік сәулет-құрылыс бақылауы департаменті директорының орынбасары, облыстық құрылыс басқармасының бастығы, 2009-2011 жылдары аралығында Шымкент қалалық құрылыс бөлімі бастығының орынбасары, жұмыспен қамту және әлеуметтік бағдарламалар бөлімі бастығының орынбасары, құрылыс бөлімінің бастығы лауазымдарында қызмет атқарған.
2011 жылдың қараша айынан бастап Оңтүстік Қазақстан облысы бойынша мемлекеттік сәулет-құрылыс бақылау және лицензиялау департаментінің директоры, Оңтүстік Қазақстан облысы мемлекеттік сәулет-құрылыс бақылауы басқармасының басшысы болып еңбек етіп келді.
ОҚО әкімінің баспасөз қызметі
