Шымкент көп салалы ауруханасы балалар күнін ерекше атап өтті. Мереке күні аурухана қызметкерлері кішкентай сәбилерді құттықтау мақсатында дөңгелек үстел өткізіп, аурухана атынан сыйлықтар таратылды.
Сондай-ақ мерекеге орай, балалар емханасының ұжымы ата-аналарға үнпарақ таратып, ақыл кеңестерін берді. Кеш бағдарлама соңында аурухана тарапынан бүлдіршіндерге жаздық киімдер мен күнделікті тұрмыста бөбектерге қажетті құралдар тарту етілді.
Шымкент көп салалы ауруханасының ұжымы: «Бұл балғын бүлдіршіндеріміз үшін ең қуанышты және жыл сайын күтетін басты мерекелерінің бірі. Жалпы алғанда, бөбектерге қамқорлық көрсету, олардың құқықтарын қорғау тек белгіленген бір күн емес, әрқашан да үлкендердің назарында. Жаздың бірінші күнімен келіп жеткен айтулы мерекемен барша балақайларды құттықтаймыз!»
