Шымкентте 23 жастағы тұрғын қатаң режимдегі түрмеге тыйым салынған затты өткізбек болғанда ұсталды. Ол есірткіге ұқсас затты ИЧ167/2 түзеу мекемесінің негізгі қоршауынан ішкі аймаққа лақтыруға әрекет жасаған.
Сол сәтте оны колония қызметкерлері байқап, тез арада күдіктіні қолға түсірді. Күдіктінің шалбарының қалтасынан 1 дана шаппа пышақ және өткір иісті, кептірілген жасыл түсті ұнтақталған есірткіге ұқсас зат анықталған.
Қазіргі уақытта ер адамға қатысты Қылмыстық кодекстің 296-бабы 2 бөлігімен іс қозғалып, тергеу амалдары жүргізілуде.
Әлихан Файзханов
