Түркістан қаласындағы «Экобазарда» ауыл шаруашылығы өнімдерінің жәрмеңкесі өтті. Ұйымдастырушылар жәрмеңкенің басты мақсаты — әлеуметтік маңызы бар азық-түлік тауарларының бағасын тұрақтандыру екенін атап өтті.
Онда Сайрам ауданының кәсіпкерлері де қатысып, өз өнімдерін ұсынды. Жәрмеңкеде 200 литрге жуық жеміс шырыны, Қарасу ауылдық округіндегі сүтті қайта өңдеу цехінен 200 келі ірімшік сатылды.
Сонымен қатар, «Алма» ауыл шаруашылығы өндірістік кооперативі жанындағы етті қайта өңдеу цехінен 1500 келі шұжық және шаруа қожалығынан 200 келі қияр, қызанақ өнімдері сатылымға қойылды.
Гүлдана Дәурен
