Түркістанда заңсыз аңшылыққа қатысты 80 жайт анықталды.Олардың басым бөлігі аңшылық және балық аулау ережелерін бұзған. Нақтырақ айтсақ, облыстық полиция департаменті табиғатты қорғау тобының полиция қызметкерлері ҚР ӘҚБтК-нің 382-бабы 1-бөлігі бойынша 31 дерек, ал ҚР ӘҚБтК-нің 383-бабы бойынша 49 жайт құқық бұзушылықты анықтады.
Заңсыз балық аулаушылардан 16 келі балық пен 8 балық аулауға арналған шанышқы құралы алынды. Барлық анықталған құқық бұзушылықтар бойынша ескерту жасалып, айыппұл салынды. Сондай-ақ ҚР ӘҚБтК-нің 383-бабы 3-бөлігі бойынша 9 жайт анықталып, жинақталған материалдар заңды шешім қабылдау үшін сотқа жолданды.
Айта кетейік, 24 ақпан мен 13 наурыз күндері аралығында Түркістан облысы аумағында «Браконьер» жедел-профилактикалық іс-шарасы өткізіліп жатыр.
