Күні кеше әлеуметтік желіде мұғалімге дауыс көтеріп, балағаттаған оқушының видеосы тарап кеткен болатын. Осы оқиғаға байланысты ҚР Білім және ғылым министрі Асхат Аймағамбетов мұғалімге хабарласқанын жазды.
«Бүгін мен №4 орта мектептің мұғалімімен телефон арқылы сөйлестім. Ол білім саласында 11 жыл бойы қызмет етіп келеді. Әріптесіме қолдау сөздер айтып, қажырлы еңбегі, шыдамдылығы мен адалдығы үшін алғыс білдірдім.
Баланың ата-анасына қатысты әкімшілік іс қозғалды. Өз тарапымыздан педагогтерге деген мұндай қарым-қатынасты, көзқарасты жойып, жолын кесу үшін қатаң шаралар қабылдайтынымызды ескертемін. Қоғамда мұғалімнің мәртебесі жоғары болуы керек», – деп жазды Білім және ғылым министрі.
