«Бәйтерек» холдингінің еншілес ұйымы «Қазақстанның ипотекалық компаниясы» АҚ өкілдері Түркістан қаласындағы «Отырар» жаңа шағынауданынан салынып жатқан тоғыз қабатты екі үйдің құрылыс жұмыстарын көпшілікке таныстырды.
2016 жылдың басында басталған «Нұрлы жол» аясындағы құрылыс жұмыстарының негізгі бөлігі аяқталып отыр. Құрылыс мердігері «Отау-Строй» компаниясы өкілдерінің айтуынша әрқайсысы 72 пәтерлік екі үй жыл соңына қарай пайдалануға берілмек.
Бұл үйлерде 144 пәтер бар – 1 бөлмелі 36 (39,68 шаршы метр), екі бөлмелі 72 (55,21 шаршы метрге дейін) және 3 бөлмелі 36 пәтер (68,48 шаршы метрден бастап). Пәтердің бір шаршы метрінің құны 900 теңгеден аспайды. Баспана тұрғын үй кезінде тұрған азаматтарға беріледі. Түркістан қаласы бойынша 3930 адам баспана алу үшін өтініш білдіріп, тұрғын үй кезегіне тіркелген.
Қазіргі таңда бұл жаңа шағынауданнан «Қолжетімді тұрғын үй – 2020» бағдарламасы аясында бес қабатты екі үй де салынып жатыр. Тағы да бес қабатты 8 үйдің іргетасы қалануда. Оған қоса аталған үйлерге қажетті инфрақұрылымды қалыптастыру жұмыстары да жүріп жатыр.
