Спорттың армрестлинг түрінен Әлем чемпионаты биыл Варшавада өтті. 58 елден жиналған додаға оңтүстік қазақстаннан да қол күрес шеберлері жол тартқан болатын. Жерлестеріміз іріктеуден сүрінбей өтіп, шешуші сынаққа да еш бір қиындықсыз жолдама алды. Нәтижесінде Шынболат Райханов алтын медаль үшін таласта ресейлік спортшымен кездесіп, қоржынға бас жүлдені салды.
Варшавада өткен Әлемдік дода барысында Шымкенттің 5 саңлағы топты жара білді. Ержан Әбілда мен Шынболат Райханов алтыннан алқа тақса, Мағжан Шамиев екінші, ал Қайырхан Оңғарбаев үшінші орыннан көрінді. Жаналы Хасанов та қола медальды облысымыздың жүлде қоржынына салды.
Бұл турнир биылғы маусымды қорытындылады. 2013 жыл қол күрес шеберлері үшін жемісті болды. Осыдан бір ай алдын Польшада Талғат Рүстембек Әлем чемпионы атанған болатын. Ал, Медет Құттымұратов болса 90 келілер арасында үшінші орыннан көрінді. Ендігі мақсат келісі жылы да жеңіс тұғырынан көріну.
